| ایک مَحْمِل دیکھتا رہ جاتا ہوں |
| خاکِ صحرا چھانتا رہ جاتا ہوں |
| کھیل یہ ہی کھیلتا رہ جاتا ہوں |
| نالہ شب بھر کھینچتا رہ جاتا ہوں |
| اُس کی یادوں سے مجھے فرصت نہیں |
| وقت خود سے مانگتا رہ جاتا ہوں |
| ذکر تیرا کوئی کر جاتا ہے اور |
| رات بھر میں جاگتا رہ جاتا ہوں |
| رات کی تاریکی میں کیا کیا کِیا |
| سوچتا ہوں, کانپتا رہ جاتا ہوں |
| وہ چَلی جاتی ہے ہنستی کھیلتی |
| میں اکیلا چیختا رہ جاتا ہوں |
| جو خَلل پیدا کرے ایمان میں |
| حُسن ایسا دیکھتا رہ جاتا ہوں |
| لب بہت نازک ہیں اُس کے اور میں |
| پاگلوں سا چومتا رہ جاتا ہوں |
| بے نیازی سے گُزر جاتی ہے وہ |
| کھڑکی سے میں جھانکتا رہ جاتا ہوں |
| شاہدؔ اکثر بھول جانے کا اُسے |
| سوچتا ہوں, سوچتا رہ جاتا ہوں |
معلومات