| ملی نغمہ ۔ (غزل) |
| سب سے آگے سب سے اوّل میرا پاکستان رہے |
| مجھ کو دُنیا بھر سے افضل میرا پاکستان رہے |
| اس مٹی کا ذرہ ذرہ چاند ستاروں سے روشن ہو |
| جھلمل جھلمل جھلمل جھلمل میرا پاکستان رہے |
| کرکٹ کے میدان سے لے کر چاغی کوہستان تلک |
| سب قوموں سے کامل و اکمل میرا پاکستان رہے |
| علم و دانش ، صنعت و حرفت کے عالی میدانوں میں |
| میری سچی خواہش اوّل میرا پاکستان رہے |
| خیبر پختوں خواہ ہو یا پھر سندھ ،بلو چستاں، پنچاب |
| ہر بیٹیا کی آنکھ میں کاجل میرا پاکستان رہے |
| اس گلشن کے ہر کونے میں سو رنگوں کے پھول کھلیں |
| اس گہما گہمی سے مکمل میرا پاکستان رہے |
| پہلے ہم تھے دیس میں بستے اب ہم میں بستا ہے دیس |
| میری تو نظروں میں پل پل میرا پاکستان رہے |
| امریکا کی چین سے جنگ ہو یا افغانی ملاں سے |
| جنگ و جدّل کے بوجھ سے بوجھل میرا پاکستان رہے |
| اپنی مٹی سے شہاب احمد کون جدا رہ سکتا ہے |
| میرے تو ہر خواب میں شامل میرا پاکستان رہے |
| شہاب احمد |
| ۱۴ اگست ۲۰۲۱ |
معلومات