| ناکام، بے مراد، پریشان زندگی |
| بیتی ہے بن کے درد کا عنوان زندگی |
| ہم مضمحل بہت ہیں وفا کر کے بھی مگر |
| ہیں کچھ جفا پہ خوش بے ضمیران زندگی |
| ہم آبروئے عشق پہ قربان ہوں اگر |
| تم مان لو گے عشق ہے ایمان زندگی |
| اقدار سب زمانے سے رخصت ہوئیں کہاں |
| اب صرف کشمکش میں پشیمان زندگی |
| ہمدرد خاندان، کیے دوست بھی عطا |
| رحمان اور رحیم ہے یزدان زندگی |
| کردار پر ہی عظمَتِ آدم ہے منحصر |
| تو نار ہے کہ نور ہے میزان زندگی |
| اعمال طے کریں گے تری منزلیں وہاں |
| شیطان زندگی ہے تو رحمان زندگی |
معلومات