| جی ہاں سب بکتا ہے ایماں ، جسم اور نعرہ وغیرہ |
| آپ کو کیا بیچنا ہے خود کو یا رشتہ وغیرہ |
| آدمی کو دیکھنا تو ہر طرح سے دیکھنا دوست |
| اس میں ہوتا ہے سفید و سرمئی، کالا وغیرہ |
| سنگِ مرمر، مشک و امبر اس کے زیور ہوتے ہیں سب |
| اور اضافی ہیں کلی، خوشبو، قمر، تارا وغیرہ |
| صرف اس کے پاؤں کی خاطر بنائیں کیسی چیزیں |
| جانور کی کھال، لوشن، جوتے اور زینہ وغیرہ |
| عشق میں پہلے زمانے میں ضروری کتنے تھے کام |
| ایک قاصد، کوئی خط، دربار کا دھاگہ وغیرہ |
| آپ نے تو ہجر اپنا دے دیا ہے حسبِ توفیق |
| ہجر میں درپیش دنیا کا بھی تو چارہ وغیرہ |
| رونے سے اب فائدہ کیا قبر پر آؤ کبھی تو |
| فاتحہ پڑھ لینا یا قرآن کا پارہ وغیرہ |
| سلسلہ قدرت نے اردو کا سلیقے سے بنایا |
| میر، غالب، فیض، جالب، شیر آشفتہ وغیرہ |
| نور شیر |
معلومات