| سنو لوگو! محبت کا بس اتنا سا فسانہ ہے |
| اگر روٹھے کبھی معشوق، عاشق کو منانا ہے |
| محبت کا میں پنچھی ہوں ترے دل میں ٹھکانہ ہے |
| تمہارا ساتھ مل جائے تو ہر موسم سہانا ہے |
| اسی کی زلف و رخ کا دھیان ہے شام و سحر مجھ کو |
| مجھے کتنی محبت ہے اسے بس یہ بتانا ہے |
| طلب حرص و ہوس کی عیش کی مجھ کو نہیں ہمدم |
| مجھے خالص محبت ہی تجھی سے بس نبھانا ہے |
| تَنافُر اک کَثافَت ہے یہ جلوہ کر نہیں سکتی |
| اب آنگن میں محبت کے شجر مجھ کو لگانا ہے |
| دکھاؤں گا تماشہ دی اگر فرصت زمانے نے |
| ابھی مجھ پر مسلط ہے بڑا ظالم زمانہ ہے |
| وہ تو رہزن بنے بیٹھے ہیں میری گھات میں پیہم |
| کہاں لوگوں نے منزل کا مجھے رستہ دکھانا ہے |
| ”فنا بھی سونپ دو مجھ کو اگر تم کو محبت ہے“ |
| وہ کہتے جو بھی ہیں حسانؔ بس کرکے دکھانا ہے |
معلومات