| قلم کی نوک سے لوگوں کو جب بیدار کرتے ہیں |
| حصولِ رَسْتَگی کی راہ ہم ہموار کرتے ہیں |
| وطن کی سالِمِیت ہی اثاثہ ہے ہمارا کل |
| "لہو سے سینچ کر ہم ملک کو گلزار کرتے ہیں" |
| ہے جان و دل ترنگے پر فدا مانندِ پروانہ |
| یوں اپنی حب الوطنی کا اظہار کرتے ہیں |
| عظیم الشان رتبہ ہو مقدر ایسے بندوں کا |
| ہوائے نفس کے برعکس جو ایثار کرتے ہیں |
| انہیں ناصؔر زمانہ یاد رکھتا مدتوں تک ہے |
| انوکھا رونما کوئی یہاں شہکار کرتے ہیں |
معلومات