| شہروں سے رفیقوں کے یہ پیغام ملے ہیں |
| جو لوگ تھے انمول وہ بے مول بکے ہیں |
| ملتے ہیں یاں عشاق کو پتھر کے جو تحفے |
| دیکھو یہ وفاؤں کو نبھانے کے صلے ہیں |
| ماں باپ نے الفت کا سبق جن کو پڑھایا |
| افسوس کہ اولاد یہ آپس میں لڑے ہیں |
| حاکم نے فقیروں پہ عجب ظلم ہے ڈھایا |
| دیکھو کہ وہ جھولی کو اٹھا کر کے چلے ہیں |
| شاید کوئی اپنا ہے جو اُس پار کھڑا ہے |
| کانٹے یہاں ترتیب سے راہوں میں پڑے ہیں |
| بھڑکے ہوئے شعلوں کو جو نفرت نے ہوا دی |
| جلتے ہیں کہیں گھر تو کہیں لوگ مرے ہیں |
| آؤ کہ تمہیں باغِ محبت میں دکھاؤں |
| حسانؔ کی غزلوں سے جہاں پھول کھلے ہیں |
معلومات