| شبِ فراق، دلِ انتظار کی دنیا |
| بہت کٹھن تھی ترے اعتبار کی دنیا |
| ترا وصال، تری آرزو، زمانۂِ دل |
| وفورِ رنج و ملامت، غبار کی دنیا |
| وہ پوچھتے ہیں مرے بعد کیا بچا ہے اب |
| ہے میرے پاس دلِ بے قرار کی دنیا |
| کریدتے ہیں اسی راکھ کو تحیر سے |
| جہاں بھسم ہوئی گزرے دیار کی دنیا |
| تمہارا کام ہے نیلامیاں ہر اک دل کی |
| تو کیسی چل رہی ہے کاروبار کی دنیا؟ |
| سجی ہے بزم کہ عشاق و رند بیٹھے ہیں |
| حسینوں کے لیے ہے یہ شکار کی دنیا |
| بھٹک رہا ہوں دلِ زار کو لیے ہوۓ |
| لگا تھا، تُو ہے مرے اختیار کی دنیا |
| میں بھاگا واں سے کہ سانسیں بحال ہوں میری |
| گھٹن زدہ تھی وہ تیرے حصار کی دنیا |
| عجیب طرز کی ہے یہ زباں درازی زیبؔ |
| عجیب شے ہے یہ قول و قرار کی دنیا |
معلومات