| درِ مصطفیٰ سے خبر مانگتا ہوں |
| میں آقا کے کوچے میں گھر مانگتا ہوں |
| خیابانِ جنت مدینہ نبی کا |
| خدا کے نبی کا میں در مانگتا ہوں |
| یہ آنکھیں بہارِ مدینہ کو ترسیں |
| مدینے میں شاہا گُزر مانگتا ہوں |
| طلب یہ نظارہ سدا میرے دل کی |
| مدینے میں شام و سحر مانگتا ہوں |
| نبی کے حُسن کے کرے جو نظارے |
| الہی میں ایسی نظر مانگتا ہوں |
| یہ حسرت لئے اوجِ افلاک کی دل |
| میں قدموں میں اُن کے یہ سر مانگتا ہوں |
| نہ مانگوں خدا سے کبھی اور نعمت |
| میں حُبِّ نبی کو مگر مانگتا ہوں |
| بلا لیں اے ہادی مجھے اپنے در پر |
| میں نالوں میں اپنے اثر مانگتا ہوں |
| اے محمود بخشش اسی راہ میں ہے |
| میں شہرِ نبی کا سفر مانگتا ہوں |
معلومات