| منقبت |
| ______________________ |
| سیدنا عثمان غنی ذو النورين رضی اللہ تعالٰی |
| ______________________ |
| کلام ابو الحسنین محمد فضلِ رسول رضوی، کراچی |
| ::::::::::::::::::::::::::::::::::::::::: |
| نبی کے فیض سے معمور تھے عثمانِ ذُوالنُّورین |
| ملے نورَین سے تو بن گئے عثمانِ ذُوالنُّورین |
| ملائک آسماں کے بھی حیا کرتے تھے حضرت سے |
| حیا میں آپ تھے کامل بڑے عثمانِ ذُوالنُّورین |
| کیا بیعت صحابہ کو نبی نے ہاتھ پر اپنے |
| کہا اِس ہاتھ سے بیعت کرے عثمانِ ذُوالنُّورین |
| سخاوت کی خدا کے دین کی ترویج میں بڑھ کر |
| ہوئے خوش مصطفیٰ پھر آپ سے عثمانِ ذُوالنُّورین |
| دلایا مسلمانوں کو یہودی سے کنواں لے کر |
| ملی جَنَّتْ، ملے کیسے صلے عثمانِ ذُوالنُّورین |
| بنائی مسجدِ احمد کشادہ حکمِ سرور سے |
| ابھی حقدار جَنَّتْ کے بنے عثمانِ ذُوالنُّورین |
| رہے رضوی ثنا کرتا صحابہ کی سدا دل سے |
| ملے تغمہ اسے سرکار سے عثمانِ ذُوالنُّورین |
| از ابو الحسنین محمد فضلِ رسول رضوی کراچی |
معلومات