| سُن اے آتش عشق اب تُو بھی تو پانی سے نکل |
| چَل بَدَل اپنی خُو، مٹی کی نشانی سے نکل |
| کاغذی ہے تیری میری داستاں کا دائرہ |
| بے نشاں پنچھی تُو اب میری کہانی سے نکل |
| وُہ ہی مٹی، آگ، پانی اور ہوا کا سلسلہ |
| ان عناصر کی تُو جھوٹی لن ترانی سے نکل |
| عشق تو ہے روگ جی کا، عمر بھر دے گا ساتھ |
| بے سر و سامانیوں کی سر گرانی سے نکل |
| گھیر لُوں گا میں تجھے رُوحِ مُعطر کی طرح |
| پر تو ایسا کر کہ اپنے دارِ فانی سے نکل |
| اک مُسافر ہوں اجل، نزع و لحد تک کا میں بس |
| گر نکلنا ہے تو اس نقلِ مکانی سے نکل |
معلومات