پھیلی ہے روح تک یوں تاثیر مصطفٰیﷺ کی |
جاں سے عزیز تر ہے توقیر مصطفٰیﷺ کی |
یہ جسم و جان تو کیا سارا جہان واروں |
کرنے نہ دُوں کسی کو تحقیر مصطفٰیﷺ کی |
آئین جو ملا ہے جینے کا آج ہم کو |
عمر اس پہ صرف ہے میرے پیرمصطفٰیﷺ کی |
ایسے نہیں ملا ہے یہ دین ہم کو پیارے |
اس کے لئے کٹی ہے تصویر مصطفٰیﷺ کی |
گھر گھر جو گونجتی ہے آواز لا الا کی |
پھل ہے یہ عمر بھر کے تشہیر مصطفٰیﷺ کی |
خاکی بدن یہ میرا ارض و سما یہ رب کی |
سب کچھ ہے باخدا یہ جاگیر مصطفٰیﷺ کی |
آؤ بنیں وہ ملت اک بار پھر سے زیدؔی |
تدبیر تھی جو رب کی تعمیر مصطفٰیﷺ کی |
معلومات