| چہرے پہ ہے ہنسی تو زمانے کے واسطے |
| پالے ہیں غم تو دل میں مٹانے کے واسطے |
| ملنا ہے خاص بات بتانے کے واسطے |
| "سینے کے داغ تم کو دکھانے کے واسطے" |
| کرتے ہیں اہتمام کبھی بزم کا یہاں |
| کچھ زخم روبرو یہ سجانے کے واسطے |
| چھوڑو یہ پیار و عشق کی باتوں کو تم ابھی |
| جھگڑے چلے ہیں اب تو خزانے کے واسطے |
| پیمان چاہ کوئی تماشہ نہیں مگر |
| جھلکے وفا میں عزم فسانے کے واسطے |
| یادیں وصال یار کی ہیں آسرا بنیں |
| چاہت کی تشنگی کو بجھانے کے واسطے |
| ہم محو انتظار ہیں ناصؔر شکیب سے |
| جو گم شدہ سراغ ہیں، پانے کے واسطے |
معلومات