| عِطرِ گُل اُن کا پسینہ اُن پہ ہوں لاکھوں سلام |
| وہ ہیں سلطانِ مدینہ اُن پہ ہوں لاکھوں سلام |
| یارِ غارِ ثَور ہیں جو جاں نثارِ مصطفی |
| وہ ہیں سردارِ مدینہ اُن پہ ہوں لاکھوں سلام |
| وہ عُمر فاروق جِن کی شان و ہَیبت دَیکھ کر |
| کُفر کا نِکلا پسینہ اُن پہ ہوں لاکھوں سلام |
| پَیکرِ شرم و حیا عثمان پر ہوں رحمَتَیں |
| راحتِ شاہِ مدینہ اُن پہ ہوں لاکھوں سلام |
| شَیرِ حق جو حَیدرِ کرّار دامادِ نبی |
| علم و حِکمت کا خزینہ اُن پہ ہوں لاکھوں سلام |
| مصطفی حسنَین حیدر فاطمہ ہیں ناخدا |
| پار جائے گا سفینہ اُن پہ ہوں لاکھوں سلام |
| تیرے ہیں اصحاب سارے جنّتی یا مصطفی |
| جو چلے تیرا کرینہ اُن پہ ہوں لاکھوں سلام |
| غَوث اعظم پِیرِ پِیراں سرِّ رحمانی بھرا |
| اُن کا قلب و سینا ان پہ لاکھوں سلام |
| نائبِ غَوثُ الوری عطّار پر ہوں صبح و شام |
| مہرباں شاہِ مدینہ اُن پہ ہوں لاکھوں سلام |
| سارے نَیکوں پر مدثؔرہوں خدا کی رحمتیں |
| اور گدایانِ مدینہ اُن پہ ہوں لاکھوں سلام |
معلومات