| ہے نعمت کا اظہار بھی اک عبادت |
| خدا نے یہ قرآں میں دی ہے اجازت |
| تشکر کا کرتی ہے گرچہ تقاضا |
| خدا کی عطا کردہ ہر ایک ساعت |
| ہے سترہ ستمبر بھی یومِ سعادت |
| یہ ہے میرے مرشد کا یومِ ولادت |
| مبارک مبارک ہو سب کو مبارک |
| بہت ہی مبارک ہےان کی قیادت |
| ہیں رہبر ہمارے دکھاتے ہیں رستہ |
| ملا ہم کو رب ہےانہی کی وساطت |
| سکھاتے ہیں نا صرف تن کی طہارت |
| ہیں کرتے عطا بھی دلوں کو نظافت |
| مسلمانوں کو پھر اٹھانے کی خاطر |
| ادا کر رہے ہیں یہ حقِ امامت |
| عزائم کو سینوں میں کرتی ہے پیدا |
| اثر دل پہ کرتی ہے ان کی خطابت |
| لطائف کو تن من میں کرتی ہے جاری |
| بہت ہی موثر ہے ان کی ریاضت |
| مسافر ہیں منزل ہے سوئے مدینہ |
| خدا کو ہے پیاری بہت یہ مسافت |
| محمدﷺ کا پرچم اٹھائے ہوئے ہیں |
| ہے زندہ انہی کی بدولت خلافت |
| حبیبِؐ خدا سے وفا کے صلے میں |
| ملا ہے انہیں یہ مقامِ ولایت |
| ملے جب جزا روزِ مخشر تو یارب |
| عطا ہم کو کرنا انہی کی قرابت |
| ہمیشہ ہی زندہ رہے نام ان کا |
| ہو چرچا ستاروں بھری شام ان کا |
| سدا جگ میں جاری رہے کام ان کا |
| جہاں بھر میں ہو فیض بھی عام ان کا |
| ہے مقصود تبلیغِ اسلام ان کا |
| دعا ہے کہ پھیلے یہ پیغام ان کا |
معلومات