| ہو عشق کا شرارہ جو ماسوا جلا دے |
| پھر شعلے اس سے مولا محبوب کو دکھا دے |
| زینت حزیں کے من کی الطافِ مصطفیٰ ہوں |
| ویراں پڑا ہے سینہ گلشن اسے بنا دے |
| ذکرِ نبی ہو میری ان خلوتوں کا یارہ |
| فدوی کو رازِ الفت مولا ذرا سکھا دے |
| تیری عطا سے داتا واثق ہیں سب امیدیں |
| جھونکا چلے کرم کا ہر زخم جو مٹا دے |
| جس سے فروزاں من ہو کافور غم ہوں سارے |
| وہ نور کی تجلیٰ میرا دروں سجا دے |
| باغِ نبی میں عمدہ سبطین پھول اُن کے |
| صدقے میں اُن کے جلوہ سرکار کا مزہ دے |
| اس دل کو بھی عطا ہو جو لذتِ لقا ہے |
| بابِ نبی پہ مولا یہ نوکری لگا دے |
| آباد ہو یہ سینہ یادِ نبی سے دائم |
| اس من میں عشقِ سرور بسیار تو رچا دے |
| دل سے چلے تمنا دنیا کے مال و زر کی |
| اس سر پہ نعلِ جاناں کے تاج کو سجا دے |
| کب آرزو میں دنیا یا جستجو میں عقبیٰ |
| چادر جو فقر کی ہے عاصی کو وہ اڑھا دے |
| اٹھ جائیں پردے سارے میری بصارتوں سے |
| سرمہ حزیں نظر کا خاکِ حرم بنا دے |
| محمود کی ہے منزل دربار مصطفیٰ کا |
| طالع میں اس حزیں کے اُن کی گلی لکھا دے |
معلومات