| ہم پر کرم ہوا ہے یہ پروردگار کا |
| اترا ہے بوجھ ہم سے غمِ روزگار کا |
| موسم کبھی خزاں ہے کبھی ہے بہار کا |
| جاری ہے سلسلہ یوں ہی لیل و نہار کا |
| ظاہر ہمارے حال سے سب کچھ ہے دوستو |
| افسانہ کیا سنائیں دلِ بے قرار کا |
| پوچھا کسی نے حال تو ہنس کر یہ کہہ گئے |
| جی خیریت ہے شکر ہے پروردگار کا |
| تنگی پہ میرے حال کی ہنستا ہے یہ جہاں |
| کپڑا مرے بدن پہ ہے وہ بھی ادھار کا |
| اب ہم کو آگئی ہیں ضعیفی شباب سے |
| عالم مگر نہ ختم ہوا انتظار کا |
| کاغذ قلم پہ اب یہاں چلتا ہے کاروبار |
| اب اعتبار اٹھ گیا قول و قرار کا |
| ایسا گیا کہ لوٹ کر آیا نہ پھر کبھی |
| احسنؔ ہماری زیست سے موسم بہار کا |
معلومات