| بزمِ چراغِ درد میں ہر دل جلا ہوا |
| ہر سمت غم کا ایک سمندر بچھا ہوا |
| ویران دل کے شہر میں آہٹ نہ تھی کہیں |
| بس دردِ دل تھا، خامشیوں میں بسا ہوا |
| ہر آنکھ خوابِ زیست کی میّت اٹھائے تھی |
| ہر شخص اپنے کرب کا پیکر بنا ہوا |
| دیوارِ جاں پہ وقت نے تحریر کر دیا |
| ہر زخم ایک عمر کا قصہ بنا ہوا |
| اشکوں نے دھو دیے تھے تمنّا کے سب نقوش |
| آئینۂ حیات تھا دھندلا پڑا ہوا |
| رکھتے رہے چراغ کو طوفاں کے سامنے |
| سینے میں اک چراغ تھا روشن رکھا ہوا |
| صحرا بھی اپنی پیاس پہ حیران رہ گیا |
| دریا بھی تشنگی کا تماشا بنا ہوا |
| ہم نے سکوت اوڑھ لیا شہرِ غم کے بیچ |
| ہر لفظ دل کی آگ میں کندن بنا ہوا |
| اک شمعِ آرزو ابھی باقی تھی رات میں |
| ورنہ ہر ایک خواب تھا کب کا بجھا ہوا |
| ساگر یہ بزمِ درد عجب بزمِ راز تھی |
| ہر دل چراغِ غم تھا سرِ شب جلا ہوا |
معلومات