| دید پیاری اب کرا دو مجھ کو تم |
| جام الفت کا پلا دو مجھ کو تم |
| بہر غوث و خواجہ و احمد رضا |
| خواب میں جلوہ دکھا دو مجھ کو تم |
| عاشقوں کی بستیوں کے کوچے کا |
| اک گدا اپنا بنا دو مجھ کو تم |
| ساقیِ کوثر کرم کی بھیک دو |
| جلوۂ زیبا دکھا دو مجھ کو تم |
| دینِ حق کی سر بلندی کے لیے |
| دین کا غازی بنا دو مجھ کو تم |
| تم مدینے میں بلا کر جانِ جاں |
| قبرِ نوری میں سُلا دو مجھ کو تم |
| حبِ دنیا سے بچا کر یا رسول |
| عاشقِ کامل بنا دو مجھ کو تم |
| اذن طیبہ کا عطا کر کے شہا |
| کیف و مستی بھی دلا دو مجھ کو تم |
| مفتیِ اعظم کے صدقے ہو کرم |
| دین کا داعی بنا دو مجھ کو تم |
| دل مرا ذکرِ خدا میں گم رہے |
| عارفِ کامل بنا دو مجھ کو تم |
| نور سے نیکی ذرا ہوتی نہیں |
| خواب غفلت سے جگا دو مجھ کو تم |
معلومات