رب کا محبوب آیا ہے میرا نبی
حق کا پیغام لایا ہے میرا نبی
ہر طرف ان کی آمد کے چرچے ہوئے
پتے پتے نے گایا ہے میرا نبی
سدرۃ المنتہیٰ تک ہے ان کا نشاں
آسماں سے ہو آیا ہے میرا نبی
حسنِ یوسف جسے دیکھ شرما گیا
رب نے ایسا بنایا ہے میرا نبی
ذرہ ذرہ گواہی ہے دیتا یہی
نور نے خود سجایا ہے میرا نبی
ہاتھ چوما تھا آدم نے اپنا کبھی
آل میں جو دکھایا ہے میرا نبی
آئے جبریل لے کر جو حکمِ خدا
چوم پاؤں جگایا ہے میرا نبی
ہے یقیں وہ شفاعت کریں گے مری
حق شفاعت کا لایا ہے میرا نبی
وصفِ احمد کروں گا میں ساغر بیاں
اونچا رتبہ جو پایا ہے میرا نبی

0
152