| کبھی راس مجھ کو یہ آئے محبت |
| کبھی پھر مجھے یہ جلائے محبت |
| سکوں بھی ملے اور بے چینیاں بھی |
| شب و روز مجھ کو ستائے محبت |
| کبھی جاگتے میں سلائے مجھے یہ |
| کبھی سوتے سے یہ اٹھائے محبت |
| کبھی دل میں ہے ایک ہو کا سا عالم |
| کبھی شور سے دل جگائے محبت |
| یہ شوقِ تمنا یہ آوارگی سی |
| کہ خود سے جو خود کو بھلائے محبت |
| چھپائے ہیں قدرت نے جو ہر قدم پر |
| کہ رازِ جہاں یہ بتائے محبت |
| کہ خوشیاں اسی کی ہوں مرہون میری |
| غموں کے بھی نغمے سنائے محبت |
| یہ پھولوں کی خوشبو غموں کے یہ کانٹے |
| مری زندگی کو سجائے محبت |
| کہ رنگوں کی دنیا رہے ہر طرف ہی |
| کہ ہر سمت بکھری یہ جائے محبت |
| کہ اب تو ہمایوں ملے جو یہ تجھ کو |
| تری زندگی پر یہ چھائے محبت |
| ہمایوں |
معلومات