| خیالِ شبِ تیرہ سے بے خبر ہے |
| مِرا دل نشانِ شِگُفْتِ سَحر ہے |
| جہانِ مَحَبَّت میں لطفِ دِگر ہے |
| نئی زندگی ہے نیا ہمسفر ہے |
| تجھے مُنتَخَب کرنا ہمدم، یہی ایک |
| مِری نظروں کا خوبصورت ہنر ہے |
| تِرے ساتھ جو ہے مَحَبَّت کا بندھن |
| مِری زیست کا رشتہِ معتبر ہے |
| تم آئی ہو بن کر نویدِ بَہاراں |
| تِرا آنا مجھ کو نِشاطِ سَحر ہے |
| رفاقت تِری ملنے کے بعد، مجھ کو |
| ہوا دکھ، کہ کیوں زندگی مختصر ہے |
| نظر کس طرح میری پِھر جائے شاہدؔ |
| مِرے سامنے آج رشکِ قمر ہے |
معلومات