| خدا کے فضل و کرم سے بہار آئی ہے |
| چمن کو رحمتِ باراں نکھار آئی ہے |
| ملی ہے منزلِ مقصود چلنے والوں کو |
| خرابی رہ میں اگرچہ ہزار آئی ہے |
| ملی ہے صبر کی تعلیم ہم کو قرآں سے |
| ہدایت اس کی ہمیں ، بار بار آئی ہے |
| خدا کے نور سے روشن ہوئے ہیں دل اپنے |
| نصیب میں تھی عدو کے ، جو نار آئی ہے |
| سہارا ٹوٹے دلوں کو دیا خلافت نے |
| اداس چہروں پہ لے کر وقار آئی ہے |
| اٹھی تھی قلبِ مسیحا سے جو دُعا دیکھو |
| نصیب عرش پہ جا کر سنوار آئی ہے |
| نگاہ ڈال کے دیکھا ہے قُرب میں اپنے |
| یہ دل میں شکر کے جذبے اُبھار آئی ہے |
| صدا کے ساتھ ہی تصویر آئی گھر گھر میں |
| ہوا کے گھوڑے پہ ہو کر سوار آئی ہے |
| خبر ملی ہے یہ طارقؔ کہ ہو گی دید نصیب |
| خوشی بھی ساری حدیں کر کے پار آئی ہے |
معلومات