| جب کبھی دسمبر کی |
| سرد شامیں آتی ہیں |
| پھول سے کئی جذبے |
| سرد آہیں بھرتے ہیں |
| دل نگر کے آنگن میں |
| چند ملول یادوں پہ |
| اوس پڑنے لگتی ہے |
| ہجر کی منڈیروں سے |
| اپنے تن کو مَس کر کے |
| نیم وا دریچوں سے |
| چاندنی جو آتی ہے |
| دل میں سوئے دردوں کو |
| ہولے سے جگاتی ہے |
| گال تھپتھپاتی ہے |
| اور مسکراتی ہے |
| دور جانے والوں کے |
| قصے بھی سناتی ہے |
| کسطرح وہ رہتے ہیں |
| حال سب بتاتی ہے |
| اس طرح کی راتیں بھی |
| خواب جیسی لگتی ہیں |
| دور جنگلوں میں پھر |
| چند پرند شاخوں پہ |
| بیٹھے بیٹھے مستی میں |
| گیت گنگناتے ہیں |
| دل بڑا لبھاتے ہیں |
| اور پھر کبھی یک دم |
| ریل کی کوئی سیٹی |
| کان کھٹکھٹاتی ہے |
| منتظر نگاہوں کی |
| آس بندھ سی جاتی ہے |
| یائے وہ حسیں شامیں |
| کھو گئی کہاں یاسر |
| جب کہیں سے تم یونہی |
| چاندنی کی مانند ہی |
| میرے در پہ آ جاؤ |
| دوریاں مٹا جاؤ |
| حوصلے بندھا جاؤ |
معلومات