| راس آئے گی بے گھری ہم کو |
| یہ سکھاتی ہے زندگی ہم کو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اِن اندھیروں سے خوف مت کھانا |
| کہہ رہی ہے یہ روشنی ہم کو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| زندگی نے عطا کیا ہے بہت |
| ایک تیری رہی کمی ہم کو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہم نے خود کو چُھپا لیا خود سے |
| "زندگی ڈھونڈھتی رہی ہم کو" |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عمر بھر رنج و غم نے ساتھ دیا |
| راس آئی نہ اک خوشی ہم کو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| رُوٹھ جاتے ہیں درد کے کانٹے |
| پھول دینا نہ پھر کبھی ہم کو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہجر اتنی بڑی اذیت ہے |
| پل بھی لگتا ہے اک صدی ہم کو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| لگ نہ جائے کہیں کسی کی نظر |
| بعد مدت ملی خوشی ہم کو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہم بھی مثلِ چراغِ تھے یارو |
| کھا گئی ہے یہ تیرگی ہم کو |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جس میں بچپن گزر گیا مانی |
| یاد آتی ہے وہ گلی ہم کو |
معلومات