| جلا کر کوئی دل دیا کر دیا |
| ہے نور اس جہاں کو عطا کر دیا |
| عبادت کی ہم نے کمی جب نہ کی |
| جسے ہم نے پوجا خدا کر دیا |
| اچٹتی سی ہم پہ نظر ڈال کے |
| یہ تم نے ہمیں کیا سے کیا کر دیا |
| اٹھایا ہے چہرے سے پردہ ذرا |
| کرم ہم پہ یہ بے بہا کر دیا |
| کیا تم نے اچھا ہمارے لئے |
| زمانہ یہ سمجھا بُرا کر دیا |
| رکھا بیچ میں اک قیامت کا دن |
| اسے وصل کا آسرا کر دیا |
| برے اور بھلے کا دیا علم جب |
| حسابِ جزا اور سزا کر دیا |
| تجھے پاک صحبت ہوئی جو نصیب |
| تجھے اس نے یار آشنا کر دیا |
| یہ اشکوں نے طارق کیا ہے کمال |
| ترا دھو کے دل کیمیا کر دیا |
معلومات