| ان کی ترچھی نگہ کی ادا دیکھئے |
| موت خود بن رہی اب دوا دیکھئے |
| یار ہوتا ہے تصویر خود یار کی |
| دیکھنا گر مجھے ,آئینہ دیکھیے |
| سر کیا ہے قلم پیار کے بدلے میں |
| جرم میرا تھا کیا,اور سزا دیکھیے |
| پھیر کر وہ چھری یوں ہیں کہنے لگے |
| مر رہی ہے محبت, قضا دیکھیے |
| روز محشر بھی ہے ,جرم ثابت بھی ہے |
| کرتا کیا فیصلہ , اب خدا دیکھیے |
| طنز مجھ پر کیا ,بیوفائی کا جب |
| میں نے بھی کہہ دیا ,آئنہ دیکھیے |
| کون کافر جسے ہوش کی ہے طلب |
| ہو کے پاگل جنوں میں مزہ دیکھیے |
| وار خنجر سے کر کے نگہ لی ملا |
| درد کو دیکھیے یا دوا دیکھیے؟ |
معلومات