| جانِ جاں اک بات تو بولو مجھ کو |
| جینے کی تسلی کیوں دے رہی ہو مجھ کو |
| کہہ رہی ہو کتنے روشن ہیں یہ چراغ |
| وہ چراٰغ جو کبھی جلے ہی نہیں؟ |
| دیکھو یہ پروانے ہیں کس قدر محوِ گردش |
| وہ پروانے؟جو کبھی تھے ہی نہیں |
| کتنی خاموش کتنی دلکش ہے یہ رات |
| کیا وہ رات جو کبھی کٹی ہی نہیں |
| دیکھو اس سیاہی کے اس پار کیا ہے |
| ان درد کے جنگلوں کے اس پار |
| ان وحشتوں کے بیاباں سے دور |
| دہشت کے دائروں سے پرے کیا ہے |
| جانِ جاں کیا وہ صبح جو کبھی آئی ہی نہیں |
| جواب سو مجھ کو |
| نیم سوختہ چاند سے پوچھو |
| وہ خواب کیا ہوئے |
| وہ خواب جن کے لیے ہم سوئے بھی نہیں |
| ان رتجگوں کا کیا |
| جو غیر آباد سیارئیہ آرزو پر |
| کسی صبح کے انتظار میں دکھ اوڑ کے سو گئے |
| کہتی ہو خاموش ہو جاؤ |
| اس غم کو اس بے بسی کو ہوا میں اڑاؤ |
| جو خواب دیکھے ہیں انہیں بھول جاؤ |
| لے پیو ذرا ہوش میں آؤ |
| نہیں غرض ہے اس لذت سے کس کو |
| بولو بھی وحشت سے محبت ہے کس کو |
| مجھ کو فقط مجھ کو |
| کون چاہتا ہے کچھ نظر آئے |
| کون چاہتا ہے پیمانہ بھر آئے |
| کون چاہتا ہے ہوش کی نیند آئے |
| کون چاہے خواب ٹوٹ جائیں |
| الجھنے دو آج مجھ کو مجھ سے ہی |
| شہریار اسی آوارگی میں کھو جائے |
| جو تم چاہتے ہو وہ سب ہو جائے |
| مگر مجھ کو رہنے دو خلوت کی آغوش میں |
| ہاں خلوت کی آغوش میں |
معلومات