| فیاض در پہ آیا آواز دے سوالی |
| ارمان کی ہے برکھا لیکن ہے داماں خالی |
| کب چارہ گر ہے میرا تیرے سوا اے شاہا |
| کیا خوب خوب روضہ اعلےٰ ہے جس پہ جالی |
| ہے مشکلوں نے گھیرا منزل دراز تر ہے |
| داتا کرم ہو تیرا میرے شہا تو والی |
| ویراں لگے یہ دنیا عقبیٰ تباہ کیا ہے |
| میں نے جگہ خطا سے دوزخ میں ہے بنا لی |
| تو وجہہ حکمِ کن ہے اے زینتِ گلستاں |
| تیرے کریم در سے میں نے ہے لو لگالی |
| حسنِ نبی کے پرتو لگتے ہیں سب نظارے |
| جن کے لبوں سے لالی امبر نے ہے عطا لی |
| گلزار تیرے دم سے مالی تو اس چمن کا |
| ہم بلبلوں کے آقا یکتا تمہیں ہو والی |
| پھل پھول باغ کے سب تیرے ہیں دم قدم سے |
| ہر گل ہے ملک تیری ہر شاخ اور ڈالی |
| خلقِ خدا میں کچھ ہیں اچھے سے خوب تر بھی |
| بعد از خدا بڑی جو تیری ہے ذات عالی |
| عاصی ہوں پر خطا ہوں تیرا مگر گدا ہوں |
| امید سے ہوں آیا خیرات دیں نرالی |
| جھولی کہاں ہے خالی سرکار کے گدا کی |
| اس در سے پیارے آقا فدوی نے لو لگالی |
| فضل و کرم ہو آقا محمود کی ہے عرضی |
| قاسم نعیمِ یزداں تیری عطا مثالی |
معلومات