| چاند تاروں سے بات ہوتی ہے |
| یوں بسر میری رات ہوتی ہے |
| عطسہ ءِ شب نِشات ہوتی ہے |
| مطمئن پھر حیات ہوتی ہے |
| اِس پہ اتنا بھروسہ آخر کیوں |
| زیست تو بےثبات ہوتی ہے |
| جس کے پیچھے دُعا نہ ہو ماں کی |
| اُس کی دنیا مَوات ہوتی ہے |
| کیسا آسیب دن پہ چھایا ہے |
| شام سے پہلے رات ہوتی ہے |
| اُن کی ریشہ دَوانیوں سے مری |
| چشم نہرِ فُرات ہوتی ہے |
| فکر و غم سے نجات دیتی ہے |
| باوضو جو صلوۃ ہوتی ہے |
| کیوں کروں سامنا ترا شائم |
| جیت کر بھی تو مات ہوتی ہے |
| تیری دو رنگی دیکھ کر شائم |
| مُتْوَ حِشْ کائنات ہوتی ہے |
معلومات