| اُس پہ ظاہر نہ ہوا دل کا ملال ، اچھا ہے |
| کہہ دیا اس سے بہر حال کہ ، حال اچھا ہے |
| آسماں تکتے ہوئے ایک زمانہ گزرا |
| ابر برسا ہے جو اس سال تو سال اچھا ہے |
| لوگ بڑھ چڑھ کے یہاں لاکھ خزانے لُوٹیں |
| ہم لُٹا دیتے ہیں اُس پر کہ جو مال اچھا ہے |
| جلوۂ حُسن نگاہوں کو جو خیرہ کر دے |
| منزلِ عشق دِکھائے تو جمال اچھا ہے |
| میکدے جائیں تو مل جائے گا ساقی خود ہی |
| نشےّ سے ملتا ہو گر اس کا وصال اچھا ہے |
| حشر کے روز بتائیں گے کہ کیا کر نہ سکے |
| کر کے آئے ہیں وہاں جو بھی کمال اچھا ہے |
| روز کہتے تھے کہ گھر آئیں گے ملنے اک دن |
| پھر جو پوچھا تو کہا اتنا، سوال اچھا ہے |
| وہ جو چڑھتے ہیں بلندی پہ وہی گرتے ہیں |
| ہاں عروج ایسا، نہ ہو جس پہ زوال، اچھا ہے |
| طارق اُس بزم میں جاتے ہو تو کچھ ایسا کرو |
| اُس کو آئے جو ہمارا بھی خیال ، اچھا ہے |
معلومات