| مارے پتھر جو پاک دامن ہے |
| ورنہ ، انصاف محض بھاشن ہے |
| ہاتھ کاٹو جو چور کے، دیکھو |
| گھر میں موجود اس کے راشن ہے |
| موسلا دھار برشِگالِ نور |
| ابر برسا ہے جیسے ساون ہے |
| وہ نہ جائے چمن اداس ہے اب |
| سیر کو گھر میں اس کے آنگن ہے |
| ہیں تماشائی بھی تو خطرے میں |
| شیر ہاتھی میں گر چہ ان بن ہے |
| نوجوانی بہار کی سی ہو |
| ہر کلی پر لگے کہ جوبن ہے |
| اس کے گھر کے پتے پہ چل نکلے |
| اصل مقصد تو اس کا درشن ہے |
| خوب گزری جو اب تلک گزری |
| ہاں گزارے کو اب تو پنشن ہے |
| آخری عمر کا نشاں ہے یہ |
| لوٹ آیا جو پھر سے بچپن ہے |
| ہر قدم پھونک کر رکھیں طارقؔ |
| جانے کس وقت ختم جیون ہے |
معلومات