| چمن میں صورتِ صد برگ و بار آیا ہے |
| بہار بن کے وہ جانِ بہار آیا ہے |
| شریعتوں کا اُٹھائے وہ بار آیا ہے |
| رسولِﷺ حق کے لہو کا وقار آیا ہے |
| کرے گا پھر سے جوتعمیر ایک اک روضہ |
| دلِ بتولؑ کا وہ غم گسار آیا ہے |
| غموں سے چور دلوں کی دعا قبول ہوئی |
| وہ جس کا سب کو رہا انتظار آیاہے |
| بچے گا اب بھلا کیسے حُسینؑ کا قاتل |
| علیؑ سے لے کے علیؑ ذوالفقار آیا ہے |
| وجود جس کا نہیں مانتے تھے اہلِ حسد |
| وہ آج پردہِ غیبت اتار آیا ہے |
| امامِ عصرؑ کی لکھی ہے منقبت عُظمیٰؔ |
| تو آج دل کو بھی میرے قرار آیا ہے |
معلومات