| رب کو سب ہی یار پیارے ہو گئے |
| اس طرح ہم بے سہارے ہو گئے |
| جیتے ہیں بدکار یاں پر اب تلک |
| نیک بخت اللہ کو پیارے ہو گئے |
| آپ کے آنے سے تاریکی گئی |
| دل میں روشن چاند تارے ہو گئے |
| خواب میں اس کو جو دیکھا رات بھر |
| چشمِ حسرت کے نظارے ہو گئے |
| آنکھوں میں تھے جب تلک یہ اشک تھے |
| آئے پلکوں پر شرارے ہو گئے |
| گردشِ دوراں میں کشتی آگئی |
| دور نظروں سے کنارے ہو گئے |
| زندگی کی تم کو سب خوشیاں ملی |
| اور غم سارے ہمارے ہو گئے |
| ایک بھی مجھ کو نہیں محسن ملا |
| جتنے تھے دشمن وہ سارے ہو گئے |
| اے خدا ہم پر یہ کیسا وقت ہے |
| دوست بھی دشمن ہمارے ہو گئے |
| جب مصیبت آئی ہے مجھ پر کبھی |
| دوست سب میرے کنارے ہو گئے |
| غیروں نے ہم سے کہا احسنؔ سنو |
| تم ہمارے ہم تمہارے ہو گئے |
معلومات