| تری ہنسی مری آہوں میں جل بھی سکتی ہے |
| ابھی یہ بخت کی صورت بدل بھی سکتی ہے |
| نشانہ کیوں مری غربت کو تم بناتے ہو |
| مری زوال سے ہستی نکل بھی سکتی ہے |
| سلگ رہی ہیں جو آنکھیں تمہاری یادوں میں |
| کہیں تلاطمِ مستی مچل بھی سکتی ہے |
| بڑے وثوق سے یہ بات کر رہا ہوں میں |
| مری وفا سے یہ شدت پگھل بھی سکتی ہے |
| ہے انتظار میں پاؤں صبا کے آہٹ کے |
| سنو گھٹاؤں کی نیت بدل بھی سکتی ہے |
| بڑے ہیں فخر میں دل میں وہ تیرگی لا کر |
| مری یہ رات چراغاں میں ڈھل بھی سکتی ہے |
| ترا تو موج میں دریا ہے اب جوانی کا |
| مگر حیات سفینے بدل بھی سکتی ہے |
| ترے جو لہجے میں یہ گرمیِ حلاوت ہے |
| مرے خمار کو ارشدؔ ابل بھی سکتی ہے |
| مرزاخان ارشدؔ شمس آبادی |
معلومات