من کی دنیا پہ وہ پھر حکومت کرے |
کوئی تو ہو جو مجھ سے محبت کرے |
میرے جذبوں کی منڈی کھلی ہے پڑی |
مجھ کو مل جائے وہ جو تجارت کرے |
اہل دانش میں رہ رہ کے اکتا گیا |
ساتھ میرے چلے جو حماقت کرے |
اپنے جذبوں کی مجھ کو خبر بھی نہیں |
کوئی ایسا ملے جو وضاحت کرے |
دلربا مجھ کو ایسا کوئی تو ملے |
من کی تاروں سے کوئی شرارت کرے |
چشم نم میں رہے جو مرے سامنے |
بے بسی میں مری وہ زیارت کرے |
ساتھ میرے چلے دلربا کی طرح |
ہم سفر بھی تو کوئی عبادت کرے |
GMKHAN |
معلومات