| جہاں میں کس نے بھلا مرتبہ یہ پایا ہے |
| سبھی کے دل میں محمد رفیع سمایا ہے |
| سدا بہار تری نغمگی ترا انداز |
| تری صداؤں نے اک نور سا جگایا ہے |
| جگائی تو نے محبت کی جیوت گیتوں سے |
| ترے سخن نے عجب انقلاب لایا ہے |
| ترے ہی نام سے روشن چراغ محفل میں |
| چمن کے پھول نے رنگ سخن چرایا ہے |
| ترا عروج بلندی تری مقام ترا |
| ہیں وہ کمال نہ جس کو زوال آیا ہے |
| ہنر سے اپنے ترنم جگا کے لفظوں کو |
| زبانِ عام کیا دل نشیں بنایا ہے |
| غموں کی دھوپ یا چاہت کا دل نشیں مظہر |
| ہر ایک رنگ بڑے ناز سے نبھایا ہے |
| حسین رخ پہ نہ چھلکایا تو نے رنج و ملال |
| گلاب چہرہ ہر اک لمحہ مسکرایا ہے |
| دلِ مضطر کو تری یاد جب ستائی کنول |
| مرے لبوں نے ترا گیت گنگنایا ہے |
معلومات