| خواب نگر میں بسنے والی |
| پھول سی لڑکی! |
| اتنے اونچے خواب نہ دیکھو |
| رات کی نیندیں کھو بیٹھو گی |
| خواب کا گھر ہے شیشے جیسا |
| تھوڑی سی جو ٹھوکر کھائے |
| پل میں کرچی ہو جاتا ہے |
| چاند اکیلا کیوں رہتا ہے |
| سوچا تم نے |
| چاند چکوری کا قصہ بھی |
| تم کو شاید یاد نہ ہوگا |
| لیلیٰ مجنوں سسی پنوں |
| سب کے قصے ادھ ادھورے |
| تیرا چاند بھی ویسا نکلا |
| ہیر اور رانجھا جیسا نکلا |
| تیرے سارے خواب چرا کر |
| آنکھ سے تیری نیند اڑا کر |
| چاند چھپے بادل میں جا کر |
| سوچو پگلی پھر کیا ہوگا |
| اس سے پہلے تم پر بیتے |
| اپنے آپ میں رہنا سیکھو |
| خوابوں کے دکھ سہنا سیکھو |
| خواب نگر میں بسنے والی |
| پھول سی لڑکی |
معلومات