| دل ہوا غم سے بوجھل تو میں رو دیا |
| کی جو خوشیوں نے ہلچل تو میں رو دیا |
| جس کی چاہت میں یہ دل دِوانہ ہوا |
| جب کہا اس نے پاگل تو میں رو دیا |
| میرے دل کی تمنا جو پوری ہوئی |
| جب ملا اس کا آنچل تو میں رو دیا |
| وقت یہ حال کر دے گا سوچا نہ تھا |
| میں نے دیکھا اسے کل تو میں رو دیا |
| اس کی فرقت میں بھی خوب روتا تھا میں |
| جب ملا وصل کا پل تو میں رو دیا |
| کوئی تکلیف ہے؟ تم پریشاں ہو کیوں؟ |
| اس نے پوچھا مسلسل تو میں رو دیا |
| عادل ریاض کینیڈین |
معلومات