| یونہی نہیں ہے دید کا منظر ملا مجھے |
| جب درسِ عشق ہو گیا ازبر ، ملا مجھے |
| دلبر کو اپنے حسن پہ کچھ کم نہیں ہے ناز |
| اس کے چمن کا پھول بھی ، خود سر ، ملا مجھے |
| وہ ساتھ لے کے میرے رقیبوں کو آ گیا |
| کچھ اس طرح سے میرا ستمگر ملا مجھے |
| جاں لیوا زخم سارے تو اپنوں سے کھائے ہیں |
| پوشیدہ آستین میں خنجر ملا مجھے |
| میں بن بتائے بھی اُسے ملنے چلا گیا |
| ایسا نہیں ہوا نہ ہو گھر پر ملا مجھے |
| گل کو نہیں ہے تنگئ حالات کا گلہ |
| وہ تو چمن میں پہلے سے خوشتر ملا مجھے |
| ملنے گیا ہوں اس سے کبھی دیر بعد بھی |
| وہ تو ہمیشہ آگے ہی بڑھ کر ملا مجھے |
| طارقؔ سجا ہے عکس اسی کا نگاہ میں |
| تنہائیوں میں آکے جو اکثر ملا مجھے |
معلومات