| محبت کی کہانی میں عجب کچھ موڑ آتے ہیں |
| پرندے آشیاں اپنا اکیلا چھوڑ آتے ہیں |
| ملی ہے ہجرتوں سے بس ہمیں یہ عمر بھر کی ٹِیس |
| مسافر دور پردیسوں میں ناطے توڑ آتے ہیں |
| جہاں مٹی کی خوشبو اور اپنوں کی محبت ہو |
| مسافر سب وطن کی سمت ہی پھر دوڑ آتے ہیں |
| دلوں کے ٹوٹنے کا درد بھی سہنا ہی پڑتا ہے |
| محبت کے سفر میں لوگ رِشتے جوڑ آتے ہیں |
| جدائی کی کڑی دھوپوں میں جلنا بخت ہے ان کا |
| جو اپنے سر پہ یادوں کے سے بادل اوڑھ آتے ہیں |
| جو جاکر دور بستی میں بہت روتے ہیں وہ عادل |
| جو اپنے دیس میں ہنستا ہوا گھر چھوڑ آتے ہیں |
معلومات