| اے قرارِ قلب و سینہ تم پہ ہوں لاکھوں سلام |
| شاہِ ابرارِ مدینہ تم پہ ہوں لاکھوں سلام |
| راہِ حق تم نے دکھائی تم پہ ہوں کھربوں درود |
| تم نے سکھلایا ہے جینا تم پہ ہوں لاکھوں سلام |
| جائے روضے کو سفینہ تم پہ ہوں کھربوں درود |
| کاش آئے وہ مہینہ تم پہ ہوں لاکھوں سلام |
| تیری گلیوں میں پھریں قسمت میں آجائے بہار |
| ہم تکیں شہرِ مدینہ تم پہ ہوں لاکھوں سلام |
| ہو کرم ہم چشمِ نم سے جالیاں چومیں تری |
| ایسا بن جائے قرینہ تم پہ ہوں لاکھوں سلام |
| بے کسوں ناداروں کے یا مصطفیٰ ملجا ہو تم |
| عاصیوں کا تم خزینہ تم پہ ہوں لاکھوں سلام |
| موت آئے کاش مجھ کو سایۂ گنبد تلے |
| ہو مرا مدفن مدینہ تم پہ ہوں لاکھوں سلام |
| قبر و محشر میں بھی عاجز کی مدد کو آنا تم |
| ہو عطا ہر جا سکینہ تم پہ ہوں لاکھوں سلام |
معلومات