| یہ تمھاری راہوں کے دل جلے |
| نہ سمجھتے کچھ ہیں نہ سوچتے |
| کبھی مسکرائیں گے درد میں |
| کبھی راحتوں میں بھی رو لیے |
| یہ بڑے عجیب چراغ ہیں |
| نہ جلے ہوئے نہ بجھے ہوئے |
| انھیں ایک لمحہ سکوں نہیں |
| یہ ہیں مد و جزر کے سلسلے |
| جو تمھاری بانہوں میں آ گرے |
| انھیں رات دن کی خبر نہیں |
| انھیں موسموں کا اثر نہیں |
| انھیں غم ہے اپنے عزیز کا |
| انھیں اور کوئی بھی ڈر نہیں |
| انھیں موت سے نہ ڈرا کہ اب |
| انھیں زندگی کی فکر نہیں |
| انھیں زندگی کی فکر ہو کیا؟ |
| کہ یہ اپنے یار پہ مر مٹے |
| جو تمھاری بانہوں میں آ گرے |
| جو تری نظر کا خمار ہو |
| نہ کوئی بھی راہِ فرار ہو |
| تری قربتیں جو ملیں انھیں |
| تو خزاں میں فصلِ بہار ہو |
| یہ دھڑک رہا ہے جو دل مِرا |
| تری زندگی پہ نثار ہو |
| کسی شام آ کے سمیٹ لے |
| ابھی زخمِِ دل ہیں ہرے ہرے |
| جو تمھاری بانہوں میں آ گرے |
| نہ طریر ہیں نہ شہیر ہیں |
| نہ ہی قسمتوں پہ قدیر ہیں |
| انھیں اور کوئی ہنر نہیں |
| یہ محبتوں کا خمیر ہے |
| یہ تمھارے قدموں کی خاک ہیں |
| یہ تمھارے در کے فقیر ہیں |
| انھیں آگے بڑھ کے گلے لگا |
| انھیں اپنے ہاتھ سے تھام لے |
| جو تمھاری بانہوں میں آ گرے |
معلومات