| آئے جہاں میں مُصطفیٰ ہر سو اُجالا ہو گیا |
| دونوں جہاں میں نوریوں کا بول بالا ہو گیا |
| تھا ظلمتوں کا دور جو وہ غرقِ دریا ہو گیا |
| معصوم کی سب عزتوں کا اب سنبھالا ہو گیا |
| ختمُ الرُّسل محبوب کُل جلوہ فگن ہیں دہر میں |
| دیکھو یہ درجہ دلربا کا سب سے اعلےٰ ہو گیا |
| عشاق کے دل دیکھتے ہیں نورِ حق سے ہر کراں |
| وہ چہرہ جو طاغوت کا ہے پھر سے کالا ہو گیا |
| لو یومِ محشر عاصیوں کی جان پر آساں ہوا |
| دلوانے والا بحششیں یہ تاج والا ہو گیا |
| عشقِ نبی کو کبریا نے گہنہ دل کا کر دیا |
| یوں نام لیوا مصطفیٰ کا نور والا ہو گیا |
| محشر میں ساری گرمیاں راحت بنی سبحان سے |
| کارِ زیاں کا بحششوں سے جب ازالہ ہو گیا |
| مدحت سے اہلِ شوق کی جب تر زبانیں ہو گئیں |
| ظلمت کے کالے باب پر مظبوط تالا ہو گیا |
| دھومیں مچی ہیں دہر میں سرکار کے الطاف کی |
| مخبوس جن کے فیض سے ہر ظلم والا ہو گیا |
| رنج و الم کے سارے طوفاں دور پیچھے ہٹ گئے |
| دربار میں منظور گر تیرا جو نالہ ہو گیا |
| پیارے جیالے جھومتے ہیں الضحیٰ کے عشق میں |
| ان کے دلوں میں ہر کراں تک ہے اجالا ہو گیا |
| محمود لیتے فیض ہیں نورِ نبی سے دوسریٰ |
| اس نور کی خاطر جو کوشاں تھا نرالا ہو گیا |
معلومات