مانگوں عطا میں اے دل شاہِ حجاز کی |
دلدار مصطفیٰ کی ذرہ نواز کی |
مولا ثنا نبی کی ایسی زباں کو دے |
تاثیر اس میں آئے ہستی کے راز کی |
مدحت سرا ہوں بلبل میری زبان سے |
دیکھے تڑپ زماں بھی اس دل کے ساز کی |
دیکھوں میں حسنِ یزداں یا دیکھے وہ مجھے |
سج دھج ہو اسریٰ والی اس سے نماز کی |
حاصل سکوں ہو اے دل یادِ نبی سے یوں |
چاحت بڑھائے جو پھر عمرِ دراز کی |
طالب دلِ حزیں ہے دیدِ سعید کا |
مانگوں میں سب پہ رحمت بندہ نواز کی |
محمود منہ کو موڑو ہر ما سوا سے تم |
پھر آئے گی عطا بھی اس کار ساز کی |
معلومات