| دِل میں عِشْقِ یار کا یوں ہی دِیا رَوشَن رہے |
| ذِکْرِ حَق سے رُوح کا یہ سِلْسِلَہ رَوشَن رہے |
| حق کی منزل سامنے ہو دل میں ہو سوز و گداز |
| نُورِ اِیماں سے ہَمیشہ راستہ رَوشَن رہے |
| مُصْطَفٰی ﷺ کی آل سے وابَسْتَگی ہو اِس قَدَر |
| زِنْدَگی کا ہر وَرَق، ہر مَرْحَلَہ رَوشَن رہے |
| فَیْضِ مُرْشِد سے مُیَسَّر ہو سُکُونِ قَلْب و جاں |
| باطِنِ دِل میں مَحَبَّت کا سَما رَوشَن رہے |
| شُکْر کا دامَن نہ چھوٹے صَبْر کی آغوش میں |
| رَب کی رَحْمَت سے مِرا باطِن سَدا رَوشَن رہے |
| مَدْحَتِ سَرکار ﷺ لِکھتا ہی رہے عَتیقؔ یہ |
| سِلْسلَہ میرے سُخَن کا اے خُدا رَوشَن رہے |
معلومات