کیا ہے اچھا برا بتا دیگا
وقت سب کچھ ہمیں سکھا دیگا
میرے احساس کو جِلا دیگا
میرا غم مجھ کو حوصلہ دیگا
خود ہی تہمت دھرے گا پھر خود ہی
اپنے ہاتھوں مجھے سزا دیگا
دل، چتا سا جلا کے راکھ اس کی
غم کے گنگاؤں میں بہا دیگا
میرا بن کر جزا کی صورت میں
عمر بھر کے لئے سزا دیگا
دل میں قربت کی بھر کے چنگاری
پھر اسے آپ ہی ہوا دیگا
زندگی بھر وفا کے بدلے میں
دل محبت بھرا صلہ دیگا
ساتھ حبیب اور عمر بھر کیسے
جو مرا ہو نہیں سکا، دیگا؟

0
34