| شب کی تنہائی میں چپکے سے میں رو لیتا ہوں |
| جب مجھے ٹوٹے ہوئے دل کا خیال آتا ہے |
| خشک ہونٹوں پہ تبسم کی کلی کھلتی ہے |
| چشمِ پر نم میں جو گل رو کا جمال آتا ہے |
| دل یہ اجڑا ہے تو اجڑے ہی اسے رہنے دے |
| دیدۂ شوق میں اب میرے کوئی خواب نہیں |
| دل کی اس عالمِ تنہائی کا سامان کروں |
| میرے آزردہ خیالوں میں وہ اب تاب نہیں |
| میرے مایوس ارادے میرا ناکام سفر |
| غم و اندوہ کی وادی آس و امید کی راہ |
| دشتِ نومید کی ٹیسیں یاس و حرماں کی کسک |
| حسرتِ منزلِ ما فات کی سہمی ہوئی آہ |
| پھر وہی خوابِ جنوں خیز مجھے آنے لگے |
| جس کی تعبیر فضیحت کے سوا کچھ بھی نہیں |
| کتنا بدنام کیا جذبۂ الفت نے مجھے |
| بزمِ ہستی مری عبرت کے سوا کچھ بھی نہیں |
معلومات