| بھیج کے سب نبیوں کا خاتم |
| نعمتیں اس پر کی ہیں اتم |
| گیت خدا کی حمد کے گاؤ |
| دھیرے دھیرے مدھم مدھم |
| ساتھ درود بھی پڑھتے جاؤ |
| صلیّ اللہ علیہ وسلّم |
| پھر ہے گر آواز سریلی |
| خود ہی بنے گی اچھی سرگم |
| رُخ پہ وضو کے قطرے دیکھو |
| پھول پہ جیسے ٹپکے شبنم |
| گن ہی نہ پائیں احساں اس کے |
| کیوں ہو اس کا پیار کبھی کم |
| عمر بڑھانے کا ہے نسخہ |
| کام اوروں کے آؤ ہر دم |
| ذکر لبوں پر جاری اس کا |
| آنکھیں یاد میں اس کی رہیں نم |
| جینا یہ ہے راضی وہ ہو |
| ذہن میں آ کر جائے یہ جم |
| دین اور دنیا دونوں اچھے |
| چاہو تم دونوں کا سنگم |
| اس کے در پر روح جو پگھلے |
| سر سجدے میں ہو گا پھر خم |
| طارِق حمد بیاں ہو کیسے |
| جس کی ہر نعمت ہے ہر دم |
معلومات