| مصطفی کے عشق سے سرشار ہو داتا علی |
| اپنے رب کے واقفِ اسرار ہو داتا علی |
| ۔ |
| شرعِ احمد کے علمبردار ہو داتا علی |
| اولیائے ہند کے سردار ہو داتا علی |
| ۔ |
| ہند پر اللہ کا اپکار ہو داتا علی |
| ظلم پر اک آہنی دیوار داتا علی |
| ۔ |
| واہ نسبت کتنی اعلی گلشن حسنین کے |
| تم گلِ زیبا گلِ بو دار ہو داتا علی |
| ۔ |
| سید السادات ہو ،تم مظہرِ نورِ خدا |
| پیکرِ عرفاں ، خدا کے یار ہو داتا علی |
| ۔ |
| علم و حکمت ، معرفت کی ایک کوہِ بے کراں |
| نیک طینت اور باکردار ہو داتا علی |
| ۔ |
| تم سے اخلاقِ محمد کی جھلک آئے نظر |
| پیکرِ شرم اور خوش گفتار ہو داتا علی |
| ۔ |
| جب بھی مشکل میں صدا دیتے ہیں ہم امداد کی |
| دور کرتے مشکلیں ہر بار ہو داتا علی |
| ۔ |
| تیری چوکھٹ چھوڑ کے عاجز کہاں جائے شہا |
| وہ غلام اور اس کے تم سردار ہو داتا علی |
معلومات